Кыздын өсүшүнүн өзгөчөлүгү
Жыныстык жактан өсүп жетилгенге чейин кыздар психомоторикада эркек балдардан ашып кетет (баштарын эрте токтотушат, эрте басып, эрте сүйлөшөт). Психикалык түрдүү функциялардын өөрчүшүнүн кезектүүлүгү айырмаланат. Алсак, кыздар эрте сүйлөй башташат, ал алардын интелектуалдык андан аркы өнүгүшүнө олуттуу таасир этет. Кыз кайсы бир көйгөйгө жолукса, алды менен, кепке таянуу аркылуу аны чечкенге: түшүндүргөнгө, талкуулаганга (же маектешүүчү менен, же өзү менен өзү ички баарлашууда) аракеттенет.
Эмоционалдык өсүү: Кыздардын жана эркек балдардын эмоционалдык аракеттери да айырмаланып турушат, бирок алар анча ачык көрүнбөйт. Кыздар, өзүлөрү баштарынан өткөргөн эмоциялардын маӊызын жана себептерин, эркек балдарга салыштырмалуу, көбүрөөк сүрөттөп бере алышат. Ошондой эле кыздар өз ара симпатиянын негизинде туруктуу топтордун түзүүгө шыктуу. Эркек балдарды жана кыздарды окутуу: Кыздар отурганга чыдамдуу, көпчүлүк учурларда сөздүк кору кенен, сөз менен айтылган нускамаларды жакшы түшүнүшөт.
Жынысынан көз каранды болгон гормоналдык фон организмдин тутумдарынын ири санына, анын ичинде мээге дагы таасир этет. Эркектердин жана аялдардын айрым зоналарында мээсинин активдүүлүгү орточо алганда айырмаланып турарлыгын окумуштуулар белгилешкен. Мунун бардыгы психологиялык айырмачылыктарга алып келет: ой-жүгүртүүнүн жана кептин өөрчүшү, эс тутумдун жана кабыл алуунун өзгөчөлүктөрү. Бирок гендердик «мыйзамдар» баланын өсүшүнө толугу менен таасир эте албайт, анын өсүшүнө анын чөйрөсү чоӊурак роль ойнойт. Ошондой эле биологиялык өзгөчөлүктөр баланы инсан катары аныктай албайт, жеке тажрыйбасы андан да маанилүүрөөк.
