Кош бойлуулук уланууда.
Бул мезгилде көптөгөн аялдар кайрат күчтү жана, сексуалдык каалоону сезишет. Жакындык азыр түйүлдүккө зыянын тийгизбейт.
Гормоналдык өзгөрүүлөрдөн улам мурундун былжыр челине кан агымы күчөйт, кош бойлуу аялдар көбүнчө мурун бүтмө, тиштин шишип кетишин сезишет. Тиш ооруларынын коркунучу жогорулайт, ошондуктан ооздун гигиенасына өзгөчө көңүл буруу керек.
Кандагы канттын деңгээлинин өзгөрүшүнөн улам чарчоо, алсыздык жана баш айлануу сезилиши мүмкүн. Сиз унутчаак болуп калганыңызды байкасаңыз болот. Сиз зарна болушуңыз да мүмкүн: бул белги гормондордун таасири астында жүрөк сфинктеринин бошоңдоп кетишинен - кызыл өңгөч менен ашказандын чек арасында жайгашкан тегерек булчуң, ушундан улам пайда болушу мүмкүн. Кайсы азыктар сизди зарнага алып келерин анализдеп, алардан оолак болууга аракет кылыңыз. Түнүчүндө көп тамак ичпеңиз, тамактангандан кийин дароо жатпаңыз.
Эгерде бул чаралар жардам бербесе, доктурга кайрылыңыз. Ал кош бойлуулук учурунда мыйзамдуу болгон антациддер (ашказандагы туз кислотасын нейтралдаштыруу каражаттары) боюнча кеңеш берет.
Бул жумада бутуңуздун күчөп же варикоз пайда болгонун байкасаңыз болот. Мөөнөтүңүздүн 14-15-жумаларында жатындын тегерек байламтасынын оорушу деп аталган абал жөнүндө тынчсыздана баштасаңыз болот. Тегерек байламталар (оң жана сол жагы бар) болжол менен 3-5 мм калыңдыкта, ал булалы бириктирүүчү ткандан токулган булчун булалардан турат. Ал жатындын алдыңкы бетинен башталып, чурай каналынан өтүп, чоң жыныс эрини терисинин астындан бүтөт. Жатын чоңойгондо тегерек байламталар созулат - жана бул ооруну пайда кылат. Адатта аялдар ооруну курсактын ылдый жагындан же карышууну сезишет. Мындай белгилер дененин абалын өзгөрткөндө, жөтөлгөндө, чүчкүргөндө, күлгөндө пайда болушу мүмкүн.
Жатындын тегерек байламтасынын оорушун алдын алуу жана азайтуу үчүн кыла турган бир нече нерселер бар:
- Отуруп же жатып бутуңузду өйдө көтөрүңүз. Мисалы, жаздыктарды колдонуңуз.
- Атайын бандаж тагыңыз.
- Капыстан кыймылдарды жасабаңыз.
- Эгерде машыгуу учурунда оору сизди тынчсыздандырса, интенсивдүүлүгүн азайтыңыз.
